Мелят Мордовиясо одкстомтозель 112 ки лангот

Весе вейсэ паролгавтозь китнень кувалмост 332 вайгельбеть. Теде башка, теезельть 2 сэдть.

Кода мерсь МР-нь Правительствань прявтонть 1-це полавтыцясь Наталья Таркаева, прявт проекттнэнь ютксо – Рузаевкань обходонь кинть тееманзо кувалма 2-це эскельксэнь прядомась. Поладови важодемась эште кавто покш объекттнэнь лангсо: Изнямонь куронть эйстэ Гожувская куронть видьс кинть ды Пролетарская курова молиця кинь пельксэнть теемаст.

Истяжо мелят одкстомтозель Саранскоень общественной транспортонь автопаркось. 156 млн целковойть покшолмасо субсидия явозель республикань бюджетстэ. Ярмактнень лангс рамазельть алкине киякс марто 9 автобуст, ды 5 истятт жо автобуст рамась Саранскоесь.