Мелят Мордовиясо 340 тежадо ламо эрицят ютасть медицинань обследования
Опубликовано Вайгель - 08.04.2025
Диспансеризациясь ды профилактикань осмотратне ютыть «Продолжительная и активная жизнь» нацпроектэнть коряс. Учови, тедеде кармить седеяк ламо ломанть, конат ютыть обследования.
«Эряви меремс, ламо орматне улить-ютыть ломаненть потсо апак фатя ламо шканть перть, ды пек колыть шумбрачинть. Тень коряс свалшкань медицинань осмотратне кандыть покш лезкс орматнень шкастост муемстэ, мезесь лезды а ютамс сэредемантень седе стака стадияс», – мерсь Мордовиянь здравоохранениянь министрась Олег Маркин.
Профилактикань ванномась – диспансеризациянь васенце эскельксэсь. Сонзэ мереви ютамс весенень, кинень топодсь 18 иеть. Диспансеризациясь – те теке профосмотрась, ансяк сонзэ лувсо эште саить эрьва кодат анализт, теить тест ды обследованият.
39 иетнень тодеманть видьс сонзэ эряви ютамс весть колмо иетненень, 40 иетнестэ саезь – эрьва иестэ.
Сёрмадстомс эсь прянть диспансеризацияв эли профосмотрав мереви «Госуслуги» порталсо, медицинань организациянь телефонга эли поликлиникань регистратурасо. Сынст ютамост туртов карми эрявомо ансяк паспорт ды ОМС-нь полис. Обследованиясь юты эрьва чистэ, чокшнеяк, субутастояк.
