Меельце иенть перть Рузаевкань буесь мазылгадсь

Тенень лездась «Жилье и городская среда» национальной проектэсь. Сонзэ коряс одкстомтозельть общественной таркатне ды кудо икелькстнэ.

Истя, 1905-це иень Революциянь куросо путозель сцена концертэнь ды мероприятиянь ютавтомаст туртов, теезель эйкакштнэнь туртов площадка, путозельть эземть ды нурямот, одкстомтозель якамо таркась, озавтозельть чувтот, витнезель А. В. Ухтомскиень лемсэ культурань кудось.

Теде башка одкстомтозель Чугункань кинть лангсо важодицятнень площадесь: паролгавтозельть китне, путозельть валдонь максомат ды озамо таркат. Ней тесэ ломантне оймсить.

Истяжо одкстомтозель Горшковонь бульваронть эйстэ саезь ды Юрасовонь куронть видьс таркась.

Мазылгатызь кудонь икелькстнэньгак. Саемс, Петровонь куросо 36-це кудонть, Горшковонь бульваронь 5-це кудонть ды Изнямонь 40 иень 7-це кудонть икеле территориятне.

Неть таркатнень кочкизь сынсь ломантне.