«Масторава» эпосонть сермадыцянзо марто вастовома

А. Пушкин лемсэ республиканской библиотекасо ютась вастовома Александр Маркович Шаронов марто. А.М. Шаронов чачсь 1942-це иень даволковонь 18-це чистэ МАССР-нь Теньгушевань буень Шокша велесэ. Важодсь слесарекс, служась Советэнь Армиясо, Н.П. Огарев лемсэ университетэнь прядомадо мейле важодсь школань тонавтыцякс, университетсэ доцентэкс, келень-литературань, историянь ды экономикань Институтсо сотрудникекс. Шаронов А.М. — поэт, Россиянь сёрмадеень вейсэндявксс совиця, историк, филологиянь доктор, профессор, ёвксонь сермадыця, «Масторава» эпосонь пурныця. лауреат. Книгась лиссь эрзянь (1994), мокшонь (2001), рузонь (2003, 2010) ды венгрань (2010) кельтнесэ. Шароновонь монографиязо «Мордовский героический эпос: Сюжеты и герой» лиссь 2001иестэ. Книганзо «Откуда пошла Русская земля» 2012-це иестэ печатызь лия масторсояк. Ловныцятне редизь поэзиянь ды прозань книганзо «На земле Инешкипаза» (2006). Александр Маркович теевсь содавиксэкс ламо масторга «Масторава» эпосонть вельде.