Мария Кучманова сайсь «сия» Россиянь Чемпионатсо!
Опубликовано Вайгель - 08.12.2025
Мария Кучманова сайсь сиянь медаль боксонь Коряс Россиянь Чемпионатсонть. Аватнень ютксо пелькстамотне ютасть Башкортостанонь прявтошсо. Сисем пелькстамонь чить, масторонь 48 регионтнэстэ 163 спортсменкат пелькстасть эсь ютковаст. Ды ансяк 24 эйстэдест понгсть сехте вадрятнень юткс. Олег Маскаев лемсэ боксонь школань трявксось Мария Кучманова пелькстась 81 килограмт сталмонь категориясо. Финалонь пелькстамосонть Мордовиянь спортсменкантень савсь пелькстамс Ксения Олифиренко марто Краснодарской крайстэ.Те минек спортсменканть боксонь коряс Россиянь Чемпионатсо омбоце сиязо.
