М. Е. Евсевьев лемсэ университетэнь студенткась кармась изницякс весероссиянь пелькстамосо
Опубликовано Вайгель - 05.12.2023
«Учитель здоровья России» XIV-це пелькстамонь меельце эскельксэсь ютась Нижний Новгород ошсо «Здоровьесберегающее образование: опыт, проблемы, перспективы развития» форумонть лувсо.
Колмо читнень перть, сундерьковонь 29-це чистэнть саезь ацамковонь 1-це чинть самс Россиянь эрьва ендо 36 тонавтыцят ютавтсть шкинемань презентацият, панжадо урокт, мастер-класст.
Мордовиянть пельде пелькстамосонть онкстась виензэ МГПУ-нь Физической факультетэнь студенткась Марина Кудашева, конась важоди 26-це лицейсэ физкультурань тонавтыцякс.
Колмо чинь цетазь, Марина кармась пелькстамонь «За молодость и талант» номинациясо изницякс.
