Лямбирень аймакса виияфневи образованиянь системась

Лямбирень аймакса «Образование» национальнай проектть коряс виияфневи образованиянь системась. Тяфта, Аксёнова велеса тифоль 165 тонафнинь вастс школань од здания. Тянь лангс максфоль 257 миллион цалковайда.
2022-це кизоня 63 миллион цалковай лангс петьфоль Лямбирень васенце СОШ-сь. Тя кизоня кафта школатнень капитальнай ремонтсна шумордавсь Александровка и Большая Елховка велетнень эса. Тяда башка, мольфтеви работа тя программати аймаконь нинге ниле школатнень сувафтомаснон коряс.
Лятфтасаськ, што Россиянь оцюнясь пшкядьсь ётафтомс эряфс кемголмува национальнай проектта. Ёткссост и «Образование» проектсь.