«КУЛДОР-КАЛДОРОСЬ» КЕНЯРДОВТСЫНЗЕ МОРДОВИЯНЬ ЭРИЦЯТНЕНЬ
Опубликовано Вайгель - 10.08.2022
Умарьковонь 13-це чистэ Кочкурбуень Вирь ало Тавласо Йовлань Олонь лемсэ этно-кудонть вакссо юты «Кулдор-Калдор» финнэнь-угрань ракамонь ды пеедькшнемань регионъютконь фестиваль. Теде сон пурнави нилецеде. Неень шкас те покшчинтень максозь малав комсь яволявтомат. Нурька чинть перть кармить важодеме невтемат, ютавтовить мастер-класст, Тюштянь налксемат, весенцеде юты томожня трокс вейсэнь молема, кенярдовтсызь сыцятнень нурька моронь, пеедькшнемань, ёвксонь ёвтницятне. Истяжо теде анокстави лотеря. Учневить ламо инжеть лия ругионсто. «Кулдор-Калдор» фестиваленть анокстыцятне-ютавтыцятне Рав кужонь финнэнь-угрань раськень культурань курось ды Кочкурбуень администрациясь.
