Краснослободскяй аймакса строяйхть од культурань куд

Апрельста ни покодихне ушедсазь тевснон Русское Маскино велеса, кона кандови Красноподгорнай велень поселенияти. Од ДК-сь тиеви «Культурная среда» нац проектть видеса.
Краснослобдскяй администрацияса китькстазь, што «Од культурань кудсь кармай лама функциональнай центра лаца. Эсонза кармай и зрительнай зал 150 вастонди (конась, кда эрявксты, тиеви од ломаттненди кштима вастокс), и хореографиянь кабинет, и коень музей, и кабинет кружокса занятиянди, и стамань мастерской».
Од ДК-сь ули велень культурнай эряфонь вастокс. Апрельста ушеды тевть надияфтыхть аделамс тя кизонь сентябрьс.