«Кизэнь сезононть» И. Яушевень лемсэ музыкань театрась панжсы премьерасо

«Летний сезон в Темникове» шкинемань форумонть туртов Россиянь Культурань фондось явсь грант малав 2 млн. цел. покшолмасо. Ярмактне явозельть «Культура» национальной проектэнь «Творческие люди» федеральной проектэнть потсо.

Форумонь теицятнень валост коряс, Темниковасо кизэнь сезонось карми Феодор Ушаковонь канонизациянтень 20 и. алтазь кенярксов мероприятиятнень поладксокс. Весе путоматнень ваныцятне несызь сынсь, панжадо площадкасо.

Ушодови форумось Нина Кошелевань «Алена Арзамасская»  сюжетэнть коряс балетстэ, конанть сюжетезэ арсезель историянь событиятнень коряс, конат ютасть 1670-це и. Темниковасо. Эряви меремс, балетэсь карми аламодо лия, — аволь се, конанть невтсть икеле. Сюжетэсь полавтови. Сонзэ седе келейгавтсызь.

Путоманть киштемань пельксэнть лангсо важоди Наталья Атитанова, кона ламо иетнень перть важоди национальной хореографиянть марто ды парсте  содасынзе этнической койтнень башка ёнксост.

Седе мейле, одс путозь балетэнть театрань труппась невтсы Саранскоень ваныцятнень туртов.