Кармасть содавиксэкс питнетне Инечинть икеле наймансонть Саранскойсэ

Инечинь наймантнэ Саранскойсэ кармасть паро коекс. Ансяк тедеде сон юты аволь субутасто, кода ветявсь, а недлячистэ, чадыковонь 28-це чистэ. Сень коряс, мекс те субутась яволявтозель важодемань чикс.

Коенть коряс, Саранскойсэ кармить роботамо ярмункань ниле таркат. Сынь кармить улеме тосо, косо свал: Ботевградская ды Ульяновонь куротнесэ, Октябрянь 60 иень ды Октябрянь 70 иень проспектнесэ.

Ушодсызь важодемаст валске марто 07 ч., прядсызь – 13 ч.

Кодат кармить питнетне? Васенце категориянь 10 алтнэнь кис карми эрявомо пандомс 65 целковойть; 1 кг тувонь сывеленть кис – 185, скалонь – 650, ловажа лангсо скалонь сывеленть кис – 320, саразонь сывеленть – 150 целковойть.

Скалонь оенть питнезэ карми улеме 600 целковойть, сыранть – 520 целковойть 1 кг кис, сахаронть – 55 целковойть, сёлтонь калонть – 230 целковойть.

Истяжо наймансэ кармить микшнеме эмежть. Капстанть питнезэ 15 целковойть, пурьканть – 25, чурька прянть – 13, модарьканть – 12 целковойть 1 кг кис.

Чиньжарамонь оенть питнезэ карми улеме 80 целковойть 900 мл. бутулканть кис, макаронатнень – 40 целковойть 1 кг кис.

Теде башка, кудоютконь ракшатнень ды нармунтнень туртов карми меревеме рамамс товзюро ды шуж 9 целковойть 1 кг кис.