Иван Супонин кармась Россиянь физической культурань заслуженной роботникекс.

Мордовиясто шорт-трекень коряс тренерэсь Иван Супонин кармась Россиянь физической культурань заслуженной роботникекс. Почетонь лементь максомадо указонть тешкстызе Рф-нь Президентэсь Владимир Путин. Иван Супонин весе эрямонзо алтызе спортонтень, ловови конькасо кирякстнемань коряс СССР-нь спортонь мастерэкс. Сон анокстась СССР-нь спортонь 6 мастерт, 10 Россиянь спортонь мастерт ды кандидатт. Сонзэ трявкстнэ аволь весть лиснесть изницякс ды призёрокс республикань, весероссиянь ды раськеютконь шорт-трекень коряс пелькстамотнесэ.