Ицял буесэ прядома лангсо сыре ломантнень ды лавшо шумбрачи марто ломантнень туртов кудонть-интернатонть теемазо
Опубликовано Вайгель - 14.10.2024
Соцобъектэнть теить Кемлясо «Демография» нацпроектэнть лувсо. Кудось-интернатось карми кельгстямо 150 ломанть. Кода пачти Мордовия Республикань Прявтонть пресс-службась, финансированиянь покшолмась кармась 1 млрд-то ламо целковойть. Неть ярмактнес совасть строямонь ды мазылгавтомань роботат, оборудованиянь ды мебелень рамамось.
Интернатонь нупальтне ловозть вейке эли кавто ломань лангс. Эрьвасонть ули весемесь эрявиксэсь эрямонть туртов.
Интернатсо улить «Превей кудо» системась, актовой нупаль, телень сад ды физкультурань туртов нупаль. Ушосо улить стуадион ды тренажерт, кизэнь эстрада, сад, пире ды теплица. Путозть охранань пост ды эвакуациянь 30 лисемат.
