Ичалкань аймакса панжевсь ковиднай госпиталь

Мордовияса панжевсь нинге фкя ковиднай госпиталь. 15 койка пневмонияса и коронавирусса сярядихненди путсть Ичалкань больницеть инфекционнай отделениясонза. Тянь колга корхтай «Земля и люди» районнай газетась.
Тяфтама мератне сотфт ситуациять кальдявгодоманц мархта. Кда сембе августть районца ульсь 85 сярядида пневмонияса, то мекольце 7 шитнень тяфтама диагнозсна 40 ломанень.
Нилеце октябрти Ичалкань вете эряйхне лечиндасть коронавирусда стационарса, и нинге 13-сь — амбулаторно.