Художниксь Светлана Богатырь няфтьсы эсь творчестванц Саранскяйса
Опубликовано Вайгель - 24.01.2022
Россиянь и Франциянь художниксь Светлана Богатырь ёрай няфтемс творчестванц Саранскяйса. Аф кунара сон ульсь Эрьзянь музейса. Людмила Нарбекова няфтезень постояннай и временнай экспозициятнень кода музейть главнай зданиясонза, тяфта же выставочнай залса, коса тяни ащи «Степан Эрьзя и мы» тяниень пингонь скульптурань экспозициясь.
1991 кизоста сявомок Светлана Богатырь эряй «Россиять и Франциять» ёткса. Советскяй пингста авторть творчестванц ломаттне пцтай ашезь няенде. Светлана Захаровнать васенце персональнай выставкац етась Москуса Кузнецкяй мостса. Тя интересно, сяс мес 1954 кизоня Степан Эрьзя Аргентинаста мрдаманц меле няфтезень картинанзон тяфта же тя залть эса.
Живописецть и графикть Светлана Богатырть выставканц арьсихть ётафтомс августста.
