Германиясо «Маленький принц» ёвксонть нолдызь эрзянь кельсэ
Опубликовано Вайгель - 20.04.2021
Антуан де Сент-Экзюпери Франциянь сёрмадыцянть содавикс ёвксось ютавтозь 300-то ламо кельс (седе ламо ютавтомат ансяк Библиянть ды Коранонть).
Эрзянь кельс «Вишка инязорнэнть» ютавтызе Саранскоень 13-це школань прявтось Александр Учеваткин.
Сонзэ валонзо коряс, нолдамс «Маленький принц» ёвксонть эрзянь кельсэ Германиясо явсть мель ютазь иенть песэ. Тевесь ульнесь а шожда. Од филологось ютавтоманть лангсо важодсь телень кувака оймсема читнень перть, зярдо эйкакштне ды тонавтыцятне оймсесть. Кенерсь – тонавтнемань иень 3-це пельксэнтень.
Весемезэ книгатнеде Германиясо нолдазель 300. Александр Учеваткиннэнь, кода авторонтень, Германиясто кучозель 15 экземплярт.
Вам также может понравиться
Читать далее
