«Гайги моро» Саранскоень коллективесь невтизе прянзо Кремлясо

2022-це иень ацамковсто Н. П. Огарев лемсэ Национальной культурань институтонь студенттнэ, конат вейсэндясть ды пурнызь-теизь «Гайги моро» ансамблянть, сайсть Гран-При «Рождение звезды» музыкань-художествань пелькстамосо-фестивальсэ, кона ютась Казаньсэ. Тень кисэ сыненст казезель казне — невтемс прянть «Дети России» гала-концертсэ Москов ошсо.
Кремлясо Саранскойстэ шкинемань коллективесь невтсь композиция, конанть анокстызе сынст ветицяст, институтонь раськень музыкань кафедрань профессорось Светлана Колесникова. Номерсэнть невтезельть эрзянь ды мокшонь койтне ды обуцятне.
Московонь ваныцятненень пек вечкевсь «Гайги морось».