«ЭРЗЯ» ОЙМСЕМАНЬ БАЗА АРСИТЬ ТЕЕМС КОВЫЛКИНАНЬ БУЕСЭ.

Иень перть «ЭРЗЯ» оймсемань базанть арсить теемс Мордовиянь Ковылкинань районсо. Кода пачти райононь администрациясь, сон карми аштеме пиче вирьсэ Мокша леенть ды теке лемсэ санаториянть вакссо.

Инвесторось алты пертьпельксэнь ландшафтонтень совавтомс инжетнень туртов номер марто модульной зданият, теемс пляжонь зона, пирс ды венчень станция, тарка, косо мереви сиведемс велосипедт, сапбордт, катамарант, байдаркат ды туристэнь лия оборудования. Оймсеманть туртов истя жо кармить анокстазь панжадо бассейнат ды спортонь универсальной площадкат.

«Минек ули меленек, штобу «ЭРЗЯСЬ» кармаволь мелень явомань од таркакс райононь эрицятнень ды инжетнень туртов. Весементь, мезе мереви теемс закононть лувсо, минь тейсынек, проектэсь топавтовозо», — мерсь райононь прявтось Игорь Бутяйкин.

Тешкстави, уш тедеде ушодовить монтажонь тевтне ды анокставить 20 васенце номертнэ. 2026-це иестэ арсеви нолдамс човартарка, пирс ды венчень станция. Целанек комплексэнть арсеви прядомс 2027 иентень.