Ельникень буесэ панжови эйкакшонь театрань студия

«Акварель» — истя сонзэ лемдизь. Панжоманть туртов Культурань инициативань Президентэнь фондсто явозель 1 млн. ламо цел.

Грантонь ярмактне туить вишка артисттнэнь анокстамонтень. Сынст марто занятият кармить ветямо И. М. Яушевень лемсэ музыкань театрань ды Н. П. Огаревонь лемсэ университетэнь Национальной культурань институтонь специалисттнэ.

Тенде башка, эйкакштне вансызь Саранскойсэ профессиональной театрань спектаклятнень ды молить инжекс профилень кафедрав ИНКав.

Театрань вишка артисттнэнь ветицякс карми Татьяна Гулькина. Репетициятне курок ушодовить, ды тундонень «Акварелесь» невти ваныцятненень 2 премьерат — «Волшебник изумрудного города» ды «Город Мастеров».