Егор Титов ды Дмитрий Аленичев кармить налксеме Саранскойсэ Мордовиянь сборноенть кис

Чадыковонь 10-це чистэ «Мордовия Арена» стадионсо «Амкал» футболонь блогертнэнь командась вастови Мордовиянь сборноенть марто. Тенде пачти Мордовия Республикань Футболонь федерациясь.

Мордовиянь сборноеть кис кармить налксеме Мордовиянь прявтонь тевтнень топавтыцясь Артем Здунов, Россиянь содавикс футболистнэ Егор Титов ды Дмитрий Аленичев, Мордовиянь  содавикс спортсментнэ Виталий Никулкин ды Олег Антонов.

Билеттнэнь кармить микшнеме матчень ютавтыцятнень сайтсэ. Питнест – 50 цел. ды седе ламо.

Тенде икеле, чадыковонь 9-це чистэ «Мордовия Аренасо» юты киберфутболонть коряс Мордовиянь Кубкась. Изницясь онкстасынзе виензэ Россиянь Кубкасо. Казненть максы Мордовия Республикань Футболонь федерациянь президентэсь Александр Егоров. Мероприятиянь инжекс кармить: Джефф Babatumba — блогер, «Амкал» футболонь клубось защитникесь; Сергей Никифоров (Kefir) — киберфутболонь коряс Россиянь кавксть чемпионось; Герман «Эль Класико» Попков — блогер, футболонь обозреватель.