Дубёнкасо одкстомтсызь оймсемань парконть
Опубликовано Вайгель - 10.10.2023
Бровцевень куросо Культурань ды оймсемань парконть паролгавтоманзо кис максызь эсь вайгелест Дубенкань буень эрицятне «Жилье и городская среда» национальной проектэнть лувсо.
Теде башка, эрицятне лездасть дизайн-проектэнь теемстэ. Евтасть эсест мелест-арсемаст. Парксо буень эрицятне ютавтыть эрьва кодат кеняркст, сеедьстэ якить, оймсить, ютавтыть ламо шка.
Эряви меремс, седе икеле Дубёнкасо паролгавтозель парконть куншказо. Ней сась шка мазылгавтомс кеняркстнэнь ютавтома тарканть: полавтсызь парконь панжадо пельксэнть, парсте витнесызь сценанть ды киштемань туртов тарканть. Теде башка, тосо карми паролгавтозь якамонь таркась, путыть эземть, валдонь максомабельть, появи скейтплощадка ды ярсамон туртов тарка.
