Дмитрий Поздняков варжазе Ковылкинонь электромеханическяй заводть
Опубликовано Вайгель - 15.06.2023
Республикань Правительствань Оцюнясь Дмитрий Поздняков Ковылкина аймакть Оцюнянц Игорь Бутяйкинонь мархта варжазе Ковылкинонь электромеханическяй заводть. Кепотьфтольхть предприятиять виияфнеманц и производствать объемонц касфнемонц коряс кизефкст.
Тяниень пингть предприятиясь — электротехническяй и механическяй продукциянь оцюдонга оцю производитель. Заводсь тиенди стака изделият, конат пяк эрявикст экономикань эрь кодама ширеса. Тячи предприятияса покодихть 1000 лама ломань.
Фотось Мордовиянь Правительствань пресс-службанть
