Дивеевань ды Санаксаронь монастыртнень ютксо теить од ки

Те шкане Нижний Новгород ёнксонь правительствань пингсэ Модань ды имущественной сюлмавоматнень коряс вейсэндявксось кемекстызе Мордовиянь проектэнть ды кочкизе тарканть, кува карми ютамо регионъютконь од кись, конась сови «Арзамас-Дивеево-Саров» паломничествань-туризмань кластерэнтень.

Эряви тешкстамс, сон малав кавксть нурькалгавтсы ардомань кинть кавто иневанькс таркатнень ютксо. Неень шкасто паломниктненень, конатнень ули мелест неемс кавонест монастыртнень, савкшнови ардомс 130 вайгельбеде кувака ки. Зярдо тейсызь од трассанть, кись нурькалгады 70 вайгельбетнень видьс.

«Теде башка, федеральной трассав лисемась максы эрямонь од лексема маласо аштиця оштнэнень ды велетненень: Темниковантень, Явасонтень, Теньгушевантень. Роботатано минек Президентэнть лезксэнзэ вельде», – мерсь Мордовиянь Прявтось Артём Здунов.

Проектэнть топавтоманзо лангс явозь 3 млрд. ламо целковойть. Арсеви, кинть тееманзо лангс туи малав 3 иеть.