«Цифровая образовательная среда» национальнай проектсь
Опубликовано Вайгель - 11.08.2022
Мордовияса поладови «Цифровая образовательная среда» национальнай проектть мольфтемац. Сонь вельденза тонафнема васттнень ули кода полафтомс техническяй базаснон. Тяфта, 2022 кизоня Мордовияса од оборудования получайхть 105 тонафнема васттне. Сон лезды ётафнемс занятиятнень аф фкя лацок, ётафнемс эрявикс анкетированият, тестированият, конат сяда тёждялгофтсазь тонафнемань процессть мольфтеманц. Нинге эряви азомс, Мордовияса тонафнихне и тонафтыхне активнай участникт «Урок цифры» марнек Россиянь акциять, «ПроеКТОриЯ» марнек Россиянь профессиональнай форумть эса и лама лия пялькстомаса, конат лездыхть тонафнихненди няфтемс эсь пряснон кодама-бди направленияса.
