Чадыведень анокстамось моли Мордовиясо.

Зыянов тевтнень мельга ваноманть туртов теезь мониторингень 9 мобильной постт, теде башка, эрьва муниципальной образованиясонть чадыведень шкантень ладявить водомерной постт. Бути карми эрявомо, ваязь таркатнень эрицятнень анокт примамс нурька шкас кельгстямонь 139 пункт, конатнес кельгить 18 тёжат ломанть.

Ней администрациянь представительтне, МЧС-нь сотрудниктне ютавтыть инструктаж эрямонь пункттнэнь эрицятнень туртов. Сень эйстэ, кода эрицятне сынсь явить мель те информациянтень ды анокстыть чадыведентень ламось ашти.

Экстренной службатне важодемантень анокт,  кармить важодеме  6000  ломанть ды техникань 1800 единицат. Ули материальной резерва, конась истяжо нолдави тевс чадыведень кадовкстнэнь изнямга.