Атяшевасо роботы Ловонь Атянь резиденция
Опубликовано Вайгель - 26.12.2024
Ловонь Атянь резиденциясь Атяшевасо панжовсь ацамковонь 23-це чистэ Национальной культурань ды ремёслань куншкакуронь Эрзя-мокшонь подвориясо. Ней Якшаматянь марто мереви вастовомс аволь ансяк Ине Устюгсо эли Саранскойсэ.
Ёвксонь кудосонть эйкакштнэнь учить ацамковонь 30-це чинть самс. А седе тов – Од иеденть мейле. Якшамковонь 2-це чистэнть саезь 8-це чинть самс 14 чассто 20 частнэнь видьс. Ансяк самодо икеле эряви гайневтемс куншкакуронтень ды сёрмадстомс эсь прянть.
Тосо эйкакштнэ кармить налксеме, ёвтнеме валморот, морамо Якшаматядо морынеть. Эрьвантень мереви теемс фотография Ловонь Атянть марто.
Фотось: Атяшевань буень «Вперёд» газетань
