Артём Здунов и «ДОМ.РФ» АО-ть генеральнай директороц Виталий Мутко корхтасть Мордовияса ошть строяманц колга
Опубликовано Вайгель - 01.04.2022
Ня шитнень Москуса ётафтовсь Мордовиянь Оцюнять Артём Здуновонь и «ДОМ.РФ» АО-ть генеральнай директоронц Виталий Мутконь рабочай васедемасна. Корхтафоль ошень строямань проекттнень колга, конат ётафневихть эряфс регионца. Васедемать пингста няфтьфтольхть Саранск ошень округть территорияса модань колма участкатне и «Ботаника» эрямань кварталть проектоц. Артём Здунов азозе, што покодемась тя территориятнень коряс мольфтеви ни, тундать аделавомс арьсекшневи анокламс территориять планировканц коряс проектть, сяльде модась максови инвесторхненди.
Тяда башка корхтафоль «Санаксарь – Темников» паломническо-туристическяй кластерть виияфнеманц колга, кона сувась «Арзамас-Дивеево-Саров» оцю проектти. ДОМ.РФ-сь участвондай сонь планонц анокламаса.
