Ардатовасо витнить школанть

Те тевентень явозель 70 млн. ламо цел. Ёвтасынек, ремонтось тееви школань вейке корпусонть эйсэ: витневить стенатне, латось ды паролгавтови школанть перька таркась. Те шкантень теезть киякстнэ, штукатуркась, кузтематнесэ полавтозть кирдематне.
Арсематнень коряс, школасо появить эйкакштнень туртов оймсема таркат переменатнень шкасто. Истяжо тосо теить химиянь, физикань ды астрономиянь неень шкань вешематнень коряс теезь нупальть, компьютерэнь класс.
Теицятнень алтыть прядомс витнемань тевтнень умарьковонь 1-це чис.
Эряви меремс, школась теезель ютазь пингень 80-це иетнестэ. Одкстомтозесь панжсынзе кенкшензэ таштамковонь 1-це чистэ. Сон прими 1-9-це класстнес 350 тонавтницят.