Ардатова аймаконь школатненди макссть 2 од автобуст

Ардатова аймаконь школатне получасть кафта од автобуст. Тонафнемань учреждениятне кунара учсть тя казнеть эса. Микрорайонть эзда школав шабатне якасть ялга 3 вайгяльбет. Тянди тушендсь лама пинге, да и кить туркс молемс тонафнихненди пелькс. А тяни ули мезьса и школаф пачкодемс, и экскурсияв срхкамс. Тяфтама же прябала ульсь и Тургенево велеса. Эрь шиня средняй школав лия велеста сашенды 20 шаба. Ингольдень автобуссь калаткшнесь. Тяни эвондась од, кона усксесыне иттнень школав, олимпиадас, экзаменц, пялькстомас.

Лятфтасаськ, сентябрть ушетксста «Образование» и «Здравоохранение» нацпроекттнень видеса Мордовияв састь од машинат больницетненди и школатненди. Советскяй площадьса Саранскяйса макссть школьнай автобусонь 34 панжемат, и 20 панжема «скорай помощень» машинань.