80-да лама консультация ётафтсть Кадровай центрань специалисттне Карьерань шиста.

Илась ётафтовсь Огарёвонь лемса Мордовскяй госуниверситетса, конац марса пуроптсь студенттнень и Мордовиянь пцтай 30 работань максыень представитель.
Занятостень службань консультанттне содафтозь илань 50 участниконь «Россиянь работась» порталть тевонзон мархта. Азондозь, кода ётамс Порталса регистрациясь, кодама сервиснень эса ули кода содамс вакансиятнень колга и, кода путомс резюмесь.
Кадровай центрать фкя инь эрявикс направленияц – од ломаттнень профориентациясна. 30-да лама ломань ётасть тестт, конатнень коряс содавсь, кодама профессиянди синь кондястихть.
Тяда башка Кадровай центрать представителец примась участие «Тяниень пингонь выпускникть портретоц» корхнемаса, коса ванондовсть лама эрявикс кизефкст.