5 кизоста Пролетарскяй аймакса петьф 62 кудперьф
Опубликовано Вайгель - 14.07.2021
Китнень, машинань кадома васттнень, ялга якама яннятнень эса од асфальт, лац архтф бардюрхне, панчфне подъезттнень инголе, мазы идень налхксема васттне — тяни тяфтама перьфоц Победань ульцяса 25-це кудть.
— 2017-це кизоста сявомок Мордовияса нолдави тевс «Городская комфортная среда» федеральнай программась» — азозе Пролетарскяй аймаконь администрациять вятиец Александр Кузьмин. — И тя 5 кизотнень квалма минь петеме 62 кудперьф, конатненди максфоль 92 млн цалковай. Тя кизоня арьсефоль одкстоптомс 8 кудперьф, но минь харьхцеме сяда кржа ярмак и одкстоптоме 10. Тяниень пингти самс сембе тефне аделафт ни. Тяни аноклатама петемань программа сай кизоти.
