2024-це иестэ Саранскойсэ ютыть Дельфийской налксемат

Чадыковонь 25-це чистэ Саратовасо прядовсть од ломантнень ютксо Россиянь Дельфийской 22-це налксематне.  Пелькстамонь ды фестивалень читнень перть прянь невтицятне онкстасть виест художествань, прикладной ды наукань-исследованиянь шкинемань дисциплинатнесэ.

Мордовиянть пельде пелькстыцятне сайсть тосо сисем казнеть. Истя, «Саксофон» номинациясо «сия» сайсь Тимофей Михайлов, диплом – Александра Крыганова. Истяжо «сия», ансяк  «Художественное чтение» номинациясо, Артем Кузнецовонь.

«Изобразительное искусство» номинациясо бронзань медаль сайсь Дарья Елистратова. Диплом казесть Виктория Никитинанень.  Эште колмоцекс кармась «S.mail» ансамблясь «Современная хореография. Учебный театр танца» номинациясо. Диплом казесть  Арина Короленконень.

Кода пачти Региононь Минкультнацось, пекстамонь церемониясо Дельфийской налксематнень флагонть максызь Мордовия Республикасо культурань, национальной политикань ды архивень тевтнень коряс министрантень Светлана Баулинанень. Мельга молиця налксематне, сыця иестэ, ютыть Мордовиясо.