Мордовиянь спортсменэсь Евгений Швецов сайсь сырне Россиянь чемпионатсо

Колазь шумбрачи марто спортсментнэнь ютксо шожда атлетикань коряс пелькстамотне ютасть Чебоксары ошсо. Мордовия республикань прянь невтицясь, 2012-це иень Паралимпийской налксематнесэ колмоксть чемпионось Евгений Швецов сайсь сырнень медаль 400 метрат кувалмосо дистанциясонть.

Чиемань цётамотнень коряс Евгений паролгавтызе се шканть, конанть сон невтизе те иень чадыковсто Марракешсэ Масторлангонь гран-присэ.

Весемезэ пелькстамотнесэ невтсть пря Российской Федерациянь 50 ламо регионсто 500 спорстмент, конатнень ютксо Паралимпийской налксематнесэ чемпионтнэяк.

Фотось: Е. Швецов лемсэ сурдлимпийской ды паралимпийской резервень спортонь-адаптациянь школань