Мордовияса спортонь од министр

Тя вастть занязе Никита Ларьков. Аф ваномовок сянь лангс, што Никита Николаевич нинге од, сон кенерьсь няфтемс эсь прянц . Покодсь МР-нь Спортонь и од ломанень политикань Министрти заместителекс, сяльде — Мордовия Республикань Правительствать Председателенц Секретариатонцты руководителькс. Аделазе Никита Ларьков Н. П. Огаревонь лемса МГУ-ть. Од вастса сон кармай вятема Мордовиянь спортонь сферань касфтомань-виияфтомань кизефкснень. «Спортонь темась кайгсь Президентть посланиянц пингста – тейнек эряви улемс тя направленияса васенце рядтнень эса», — мярьгсь мордовиянь оцюнясь Артём Здунов.