Мордовиянь аграрийтне ушодызь паксясо тундонь тевтнень

Коенть коряс, республикань чилисема ёнкссонть сезононть ушодызе Отяж буесь, чивалгома енкссо – Ковылкинанцесь. Весемезэ тедеде велень хозяйствань культуратнень алов карми явозь 763 тёжат га мода. Те, эряви меремс, 4 тёжат га седе ламо икельце иенть коряс. Тунда яровой культуратнеде видить малав 520 тёжат га. Тень марто вейсэ поладови видьметнень анокстамосо важодемась. Телес видезельть сюронь культурань 155 тёжадо ламо га.

Кода тешкстыть Республикань велень хозяйствань министерствасо, весе культуратнень видьметне – сатыть. Те шкантень кемекстазть ламбамо якстерькань ды кукурузань видьмень ускомга контрактт.