Тедеде Н. П. Огарев лемсэ МГУ-сь ламолгавты питневтеме тонавтнемань таркатнень

Тедеде Н. П. Огарев лемсэ Мордовиянь государствань университетэсь ламолгавты питневтеме тонавтнемань таркатнень.

Кода ёвтнизе вузонь ректорось Дмитрий Глушко, абитуриенттнэнь саемась карми молеме 2 782 питневтеме таркас, мезесь 70 таркадо седе ламо икельце иенть коряс.

Бакалавриатов ды специалитетэв – 1864, магистратурань программатнес – 543, ординатурав – 109, аспирантурав – 36 ды СПОв – 230 таркат.