Саранскойстэ таго кармасть ливтнеме самолетт видьстэ Санкт-Петербургов
Опубликовано Вайгель - 22.01.2024
Ней ломантнень ускси «Азимут» авиакомпаниясь. Васенце ливтямось ульнесь якшамковонь 10-це чистэ. «Саранск–Санкт-Петербург–Саранск» менельга киванть самолёттнэ кармить ливтнеме кавксть таргонтень.
Середасто Саранскойстэ сыргамось 20 ч. 35 мин. Пачкоди Питерэв самолетось 23 ч. 05 мин. Мекев сырги часонь ютазь, пелеветь – 00 ч. 05 мин. Саранскоев пачкоди четвергстэ, валскеде икеле – 02 ч. 15 мин.
Омбоце рейсэсь карми эрсекшнеме недлячистэ. Саранскойстэ самолетось ливти 19 ч. 25 мин., пачкоди Питерэв 21 ч. 55 мин. Мекев тосто сырги 23 ч. 40 мин. Саранскойсэ самолетось карми понедельникстэ – 01 ч. 50 мин. пелеведе мейле.
Ледстясынек, тунда Саранскойстэ арсить нолдамс самолет видьстэ Дагестанонь Махачкалав ды Турциянь Антальяв.
Читать далее
