Мордовиясь мазылгавты кузнэ «Россия» форумсонть!

Мордовиянь кедьчелькев ломантнень кедьсэ теезь налкшкетне мазылгавтсызь региононь кузнэнть «Россия» форумсонть. Ацамковонь 1-це чистэ саезь ВДНХ-со ушодсы важодеманзо «Ёлки России» невтемась. Тесэ кармить невтезь 89 кузт Россиянь эрьва регионсто. Минек региононь, Мордовиянь кузнэнть мазылгавтсызь Тавлань содавикс чувтонь налкшкетне, тумосто теевкстнэ, баягинетне, раськень някатне, варьгинетне ды седе тов. Од Иень чувтынетне кармить мазылгавтомо ВДНХ-нть даволговонь 12-це чис. Тунда сынст озавтсызь комплекссэнь территориянть пеле. Те таркась карми лововомо Россиянь регионтнэнь виень, вейсладямонь тешксэкс.