Эрзянь ды мокшонь кельтнень мереви тонавтомс «Сокровища нации» приложениясо

Од налксемась арсезь 6 иесэ ды седе покш эйкакштнэнь туртов. Приложениясонть эряви ютамс стакачи марто кинть, конанть ютамсто эряви пурнамс тиринь кельсэ цифрат кементь видьс, тюсонь ды предметэнь лемест. Те налксемась карми паро лездыцякс тиринь кельтнень тонавтнемасонть. Эрзянь ды мокшонь кельсэ валтнэнь налксемасонть ловны минек коллеганок Александр Данильчев.

Налксемантень совамсто ломанентень эряви кочкамс келенть, конанть эйсэ сон карми налксеме ды, нама, тонавтомо. Кельтнеде налксемасонть 30. Сынст ютксо – эрзянцесь ды мокшонцесь. Седе тов эряви кочкамс налксемань персанажонть: цера эли ава, кона оршазь Россиянь раськень оршамопельтнес.

Нама, налксемань графикантень совасть республикатнень содавикс таркатнеяк. Саемга, Мордовиянь ­– те Феодор Ушаков лемсэ кафедральной ознома кудось.

«Сокровище нации» Калмыкиянь IT-важодицятнень проектэсь кармась изницякс «Интернетэнь кастомань институтонь» пелькстамонь «Проекты по направлению ПО/игры» номинациясо. Проектэнть ветицязо – Аркадий Муниев.