Национальнай библиотекась лезды шабатненди анокламс школати

Васенце сентябрьть инголе А. С. Пушкинонь лемса национальнай библиотекать покодиенза школань тонафнихненди и синь тядяснонды-аляснонды ётафтыхть адаптационнай тренинг. Тяфта, 29 августста сембонди, кие ёрай, ули кода варжамс «Скоро в школу!» познавательнай практикумть. Ётай сон 17:00 частста сявомок 20:00 частти молемс А. С. Пушкинонь лемса библиотекань инголе панжада площадкаса.
Шабатнени и тядяснонды-аляснонды пачфтихть Саранск ошть творческяй и спортонь секциянзон, центранзон, студянзон колга, конань ломаненза максыхть каршек вал сембе кизефкснень лангс.