Саранскойсэ ютась Доброволецэнь васенце форумось
Опубликовано Вайгель - 14.08.2023
Кавто округонь васенце форумось ютась Мордовиясо умарьковонь 10-13 читнестэ. Сон вейсэндинзе Уралонь ды Равчирень федеральной енксонь волонтерствасо 400 ламо проектэнь ветицятнень ды организатортнэнь.
Форумонть важодема шкастонзо волонтертнэ ванызь Мордовиянь мазый таркатнень, ютавтсть мастер-класст ды идясть эсь проектэст. Теде башка, сынь кенерсть теемс ламо паро тевть: невтсть пря «Импульс» лишмень клубонь территориянь паролгавтомасо, кодасть а покш цюлкинеть шкадост икеле чачозь эйкакшткетнень туртов, артызь Инсар леень чиресэ стенатнень, одстомтызь «Волонтеры» Н. П. Огарёв лемсэ университетэнь вейке зданиянть лангсо артозь артовксонть, кодасть кекшемань коцт СВО-со военнослужайщейтнень туртов.
Тедеде истят форумт ютыть эште ниле регионсо: Рязанень, Мурманскоень, Ставрополень ды Хабаровскоень енкстнесэ, косо вастовить Россиянь 89 регионсто 1500 ламо ломанть.
Форумонь теицятне: «Росмолодежь.Добро» молемась, Од ломанень тевтнень ветямост коряс федеральной агентствась.
