Нинге фкя Ледовай дворец Республикаса

Ковылкина аймакса появась од спортивнай объект- тя Ледовай дворец. Панжеманц эса примась участия Мордовиянь Оцюнясь Артём Здунов. Москуста сашендсь содаф боксёрсь Николай Валуев. Кемонь кизода лама сон ащесь тевфтома, Мордовиянь оцюнять мяргоманц коряс, сонь строямац поладовсь. Тяни сон кафта этажса здания, конань площадец пцтай 4 тёжятть квадратнай метра и коза тяльги 200 ваны. Тяса кармайхть ётафнема аф аньцек учебно-тренировочнай занятият, хоккейть, фигурнайста курькснемать и соксса курькснемать коряс пялькстомат. Ледовай дворецсь арай спортонь и эряфонь шумбрашинь ванфтомань ломаттненди пуромома вастокс. Объектть панжеманц меле ётафтовсь и васенце хоккейнай матчсь.