Нижний Новгородонь ёнкссо юты «Эрзянь лисьмапря» регионъютконь ХIII фествиалесь

Медьковонь 29-це чистэ, Нижний Новгородонь енкссо — эрзянь покш кеняркс. Тосо, Лукояновской буень Этнопарксо юты «Эрзянь лисьмапря» регионъютконь фестивалесь.

Эряви меремс, Нижний Новгородсо Эрзянь ды мокшонь автономиясь ютавты те кенярксонть, кона алтазь раськень койтненень ды обуцятненень, эрьва иестэ.

Фестивалень инжетнень учи культурань сюпав программа: кезэрень койтнень ланга невтема, спортонь пелькстамот, конатнень ютко «Тюштянь налксематнеяк», «Раськень казне» ероковтнень невтемась, финнэнь-угрань коллективень ды морыцянь концерт, сувенирэнь микшнема. Эйкакштнень туртов анокстазь налксема тарка. Кенярксстонть кияк а туи вачодо. Инжетненень карми меревеме варчамс  «Вейсэ ярсамо» площадкасо ярсамкат.

Площадкатне ушодсызь важодемаст 10.00 чассто. Сонсь кенярксось ушодови 11.00 чассто.

Прядсы покшчинть Нижний Новгородонь ды Модовиянь  артисттнэнь гала-концертэсь.