Н. П. Огаревонь лемсэ университетсэ поладови приемной кампаниясь

Медьковонь 15-це чинь 13 частнэнень вузов максозельть 14 тежадо ламо яволявкст. Тень ланга телеграм-каналсо пачти университетэнь ректорось Дмитрий Глушко. Эряви меремс, мелят те шкантень максозельть малав 12 тежат яволявкст, а 2020-це иестэнть ансяк 4 тежадо ламо.

Яволявкстнэ састь Россиянь 68 регионсто. Сехте ламотне – Нижний Новгородонь, Пензань, Самарань, Ульяновскоень, Рязанень, Краснодаронь, Московонь енкстнестэ ды Москвосто, Чувашиясто, Татарстансто.

Абитуриенттнэ явить мель стоматологиянтень, правоохранительной тевентень, юриспруденциянтень, менеджментэнтень, фармациянтень, лингвистикантень, информациянь безопасностентень, политологиянтень, педиатриянтень ды ютавтомань тевентень.