Краснослободск ошса ётафтови эряфс «Демография» национальнай проектсь

Краснослободск ошса «Демография» национальнай проектонь эряфс ётафнемань рамкаса тиф сире ломаттнень и инвалиттнень мельге кувака пингонь якамань система. Аймакса пенсионнай кизонь 250 ломаньда тиендихть эрь шиня зарядка, мольфтихть эряфонь активнай образ, примсихть участия ГТО-нь норматтнень максомаса, ветераттнень и инвалиттнень ётксса спортонь пялькстомаса. Краснослободскеень социальнай ширеста араламань учрежденияса нилеце кизось панжада шинь ащемань отделениясь, коса сире ломаттне тиендихть тренажёрхнень лангса упражненият или эшелякшнихть «Слобода» спортонь Дворецть бассейнасонза.
Лятфтасаськ, што Россиянь Оцюнясь азсь 13 национальнай проектонь колга, конатнень эряви ётафтомс эряфс. Ёткссост и «Демография» национальнай проектсь.