Мордовиянь теннисистсь — Россиянь первенствань призёр

Моску ошса шумордавсь теннисонь коряс Россиянь юниоронь первенствась (19-це кизоти молемс возрастной категорияса). Тарпищевонь лемса олимпийскяй резервонь спортонь комплекснай школань тонафнись Иван Юткин сявсь кафта казнят.
Турнирти сувасть колма разрятт — ськамонь, кафтонзаф и микст. Мордовиянь спортсменц Самарскяй областьста Анастасия Гурьевань мархта микстса сявозе вице-чемпиононь лемть и ськамонь пялькстамаса сявозе бронзовай медальть.
Эряви азомс, што недляда инголи Иван арась призёркс теннисонь коряс Россиянь первенстваса 17-це кизоти молемс од ломанень ётксса.

Фотось: e-mordovia.ru