Школьниктнень ютксо олимпиаданть коряс Мордовиясь совась Россиянь 10 сехте виев регионтнэнь юткс

Весероссиянь олимпиадань меельце эскельксэнь цетамотнень евтынзе Мордовия Республикасо образованиянь министрась Елена Солдатова. 2023-це иестэнть региононь сборной командантень совасть 73 тонавтницят, конат онкстызь виест общеобразовательной 20 предметтнэнь коряс олимпиадасо. 32-не эйстэдест сайсть таркат: 5 – изнямонь ды 27 казнень саицянь.

Сехте ламо таркат сайсть Ероков ды превей  эйкакштнень туртов республикань лицеень тонавтницятне – мик 26. Истяжо виевтнень ютксо 12-це ды 19-це гимназиятнень тонавтницятне, 7-це ды 43-це лицейтнень ды Саранскоень 1-це школань тонавтницятне. Сехте ламо таркат школьниктне сайсть химиясо, биологиясо, физикасо, экологиясо, масторлангонь художествань культурасо.