Артём Здунов васедсь Мордовиянь агрохимическяй службань центрань ломанензон мархта
Опубликовано Вайгель - 13.05.2023
Мордовиянь Оцюнясь Артём Здунов и Республикань Правительствань Оцюнясь Дмитрий Поздняков сашендсть региононь агрохимическяй службань центрати. Синь маласта содафтсть учреждениять покодеманц и сонь направлениянзон мархта. Тяфтама направленияда лама. Ёткссост: модань исследованиясь, анализонь тиемась удобрениятненди, сёротненди, кормотненди, пищевой продукцияти, ведти и лофцти. А нинге тяса ноляви эсь аноклаф биопрепарат, кона моли тевс животноводстванди кормонь анокламанкса.
Важнай направлениясь — агроаэромониторингсь, кона ётафневи пилотфтома лиенди аппаратть тевс нолязь. Вельдонза мольфтеви покодема паксятнень границаснон содамаснон коряс и макссеви оценка модатнень качестваснонды.
Фото: Мордовия Республикань Прявтонть пресс-службань
