«Кургоня» фестивалесь кенярдовтсынзе Мордовиянь эрицятнень

Умарьковонь 28-це чистэ Рузаевка буень Левженской посёлкасо юты сехте вечкевикс гастрономической покшчитнень эйстэ вейкесь – «Кургоня» регионъютконь раськень культурань 8-це фестивалесь. Кенярксось алтазь эрьва раськень ярсамопельтнень содавтомантень.  Паницятне-пидицятне инжетнень кармить каванямо мокшэрзянь «Кургоня» прякасо – те ярсамопелесь фестивальсэнть карми прявтокс. Сталмозо сонзэ 60 килограммт .  Диаметразо 1, 5  марто. Раськень каванямкатнеде башка анокстави мельстуиця покш программа: Республикань этнической вейспурнавкстнэ содавтсызь фестивалень инжетнень раськень ломантнень кой-кирдатнень, легендатнень ды мифтнень марто, ютавтовить эрьва-кодат пелькстамот, свалшкань ды фолк-рок стильсэ гайгезевить минек моротне. «Кургоня» фестивалесь ушодови 11 чассто!