Мордовиянь поисковикне примайхть участия «Дальневосточный фронт — 2022» экспедицияса.
Опубликовано Вайгель - 24.05.2022
Сахалинскяй областьса ушедсь «Дальневосточный фронт — 2022» Межрегиональнай поисковай экспедициясь. Эсонза примайхть участия волонтёрхт странань эрь кодама уженяста. Республикастонк тов мольсть «Поиск» Мордовскяй патриотическяй объединениянь боецне.
Экспедициясь моли 21 майста сявомок 5 июньц. Кафта недлятнень квалма волонтёрхне кармайхть вешендема Великай отечественнай войнаса шавф ломаттнень останкаснон. Муфснон воинскяй славань шиста калмасазь Победино мемориальнай велеса Смирныховскяй районца Сахалинскяй областьса.
Тяда башка, экспедициять видеса аноклави тонафнемань пялькс. Поисковикнень инголе лекция мархта кармайхть корхтама экспертт.
